माझे मंडळ

Aamhi ShabdaBhramar (10 unread)

प्रेम

Posted: September 9th, 2007, 2:16am CDT

तू प्रेम केलस
पण माझ्यावर नव्हे
तर स्वतःच्या प्रेमावर

वेळप्रसंगी
ते सिद्ध करण्यासाठी
जगावेगळा वागलास
उपाशी राहीलास
रात्र रात्र जागलास
माझ्या मागे भागलास

पण..
मला
माझ्या भावनांसकट
गृहित धरत गेलास

~ तुषार जोशी, नागपूर

(कापी पेस्ट करणा-या सर्व वीरांना अशी विनंती आहे की आपण काव्य रसिक आहोत याची जाणीव असू द्या आणि कवितेसकट मूळ लेखकाचे नाव पण लिहित चला. कवितेचा प्रसार नक्की करा पण त्याच्या कवि सकट करा हेच साहित्याचा आदर करणे आहे व आपल्या रसिकतेचा मान राखणे आहे)visit this also http://esnips.com/web/AamhiShabdabhramar
आला पाऊस

Posted: May 29th, 2006, 4:39am CDT

Tags: poems

पाऊस काल सांगून गेला येऊन माझ्या स्वप्नात,
तयार हो स्वागताला येतोय मोठ्या थाटात
तू मात्र यंदा काही लिहायाचे नाही
कागदावरच्या शब्दांनाही मुळीच भिजायाचे नाही

पडेल मी तू सांगेन तेव्हा तिला भेटताना
विजही तुला भेटून जाईन, जरा मने जुळताना
तू मात्र यंदा तेथेच थांबायाचे नाही
वार्यावरल्या मृद्गंधाला नुसतेच वाहायचे नाही

मला आवडतो पाऊस असे सांगेन ती तुला
होईन दूर मी तेव्हा इंद्रधनु दावण्या तुम्हाला
तू मात्र यंदा एकटे राहायाचे नाही
तुझ्या पाखराला नक्की सांगायाचे काही

सरेन नंतर नेह्मीसारखाच काम पूर्ण करून
भेटत राहीन तुम्हाला तुमचेच प्रेम बनून
तू मात्र मला विसरायाचे नाही
शब्दामधून स्वप्ने मात्र फुलवायची यंदाही
-
केतनvisit this also http://esnips.com/web/AamhiShabdabhramar
चोचले (गझल)

Posted: April 20th, 2006, 11:31pm CDT

पुरवले मी काळजाचे चोचले
तेवढ्यापुरतेच ते संकोचले!

वैर त्यांचे लाघवी आहे खरे
दुःखही माझे तयांना बोचले

बाब आहे काळजीची केवढी!
भक्त गाभाऱ्यात कैसे पोचले?

हाय! काटे कोवळे होते किती!
पाकळ्यांना बोट माझे टोचले

काय सांगू ऐट 'साहेबास' मी?
आंधळ्यांनी फक्त सदरे खोचले

-नीलहंस
visit this also http://esnips.com/web/AamhiShabdabhramar
सुकलेली फुले

Posted: April 11th, 2006, 6:37am CDT

-
सुकलेली फुले वहीच्या पानामध्ये
आठवणी मात्र ताज्या,मनामध्ये ।

जपून ठेव वही सुकलेल्या फुलांची
पण झटक धूळ जुन्या आठवणींची ।

नव्या ऋतूत नवी फुले उमलतात
सुकलेल्या फुलात मने अडकतात ।

वहीतल्या फुलांना विसरू नको
पण बहरल्या फुलांना मुकू नको ।

नव्या फुलांचा सुगंध घेत जा
वहीत ठेवणे मात्र टाळत जा ।

कारण वहीत उरतात सुकलेली फुले
आणि झाडांवर बहरतात नव्याने फुले ।

-प्रणवvisit this also http://esnips.com/web/AamhiShabdabhramar
बंडखोर -(गझल)

Posted: April 8th, 2006, 6:51am CDT

बंडखोर (गझल)

जोडून हात बसले माझ्यासमोर काही
अभिषेक,दान,पूजा करतात चोर काही

बाहेर नाचणारा पाऊस भाववेडा
अन आत पिंजऱ्याच्या रडतात मोर काही

चोरून चंद्र आम्ही झालो पसार जेव्हा
तेव्हा खुळ्या जगाला दिसले चकोर काही

होतो जपून प्रेमे डोळ्यात मी तरीही
वाहून आसवे का गेली मुजोर काही?

घालून धावदोरा आयुष्य जोडताना
सलगी कशी गळ्याशी करतात दोर काही?

तोंडात लेखणीच्या शाई बरीच आहे
( शब्दांत भाव भिजले मिंधे,छचोर काही )

केलास व्यर्थ, कृष्णा! उपदेश अर्जुनाला
सत्संग मांडणारे आहेत 'थोर' काही

सौद्यास दैव आले दारी अखेर माझ्या
हातात फक्त पडले क्षण बंडखोर काही

-नीलहंसvisit this also http://esnips.com/web/AamhiShabdabhramar
कधी वाटते..

Posted: March 26th, 2006, 2:48am CST

आज वाटते फुल फुलावे
तुझीया कोमल ओठांचे ,

कधी वाटते प्राषून घ्यावे
टिपूर चांदणे तूझ्या रूपाचे..

मुक्त फिरावे पाखरू चंचल
तुझीया दोन नयनांचे...

स्वर घुमावे कानी अवचित
तुझीया सुरेल कंठाचे..

अशीच व्हावी संगत गंधीत
तुझीया जवळ असण्याने

अन

असेच गावे गीत सुरातच
तुझीया माझ्या प्रीतीचे....

... प्रज्ञाvisit this also http://esnips.com/web/AamhiShabdabhramar
तूही नाही... - गझल

Posted: March 25th, 2006, 2:45am CST

तूही नाही..

अव्यक्त माझे भाव अन् बोलणार तूही नाही !
दडवलय मी हे गुपित अन् खोलणार तूही नाही !

रमणीय सृष्टी,रंगली मैफल स्वर्गीय सुरांची !
निश्चल मी तरी अन् डोलणार तूही नाही !

लपवूनि अर्थ गहिरे; उधळले शब्द सारे !
न मोजले मी कधी अन् तोलणार तूही नाही !

भरलेला समोर हा प्याला; साखर सर्व तळाला !
प्यालो मी तसाच् अन् घोळणार तूही नाही !

हा अबोल दूरावा भासे जणु वैषाखाचा वणवा !
थंड आहे मी तरी अन् पोळणार तूही नाही !

क्षणोक्षणी तुझेच् स्मरण; आलो कधी चुकून समोर..
नजर मी चुकवेन; अन् ओळखणार तूही नाही !

-परीक्षितvisit this also http://esnips.com/web/AamhiShabdabhramar
सायुज्यता

Posted: December 23rd, 2005, 5:39am CST

तुझ्या मनी विचारांचे काहूर माजता
त्याचे पडसाद दिसती माझ्या मुखावर

तुझ्या श्वासां-श्वासांत असे माझा प्राणवायु
तुझे हे जगणे करे मला दिर्घायु

माझ्या मनी विचारांची खळबळ माजता
तुझ्या मुखातुन झिरपते माझीच कविता

तुझ्या आनंदात माझे स्मित दडे
तुझ्या प्रसन्नतेत माझा उत्साह ओसंडे

तुला वाटते दोन देहांची गरज न काही
भार एकाचाही मज सहन होत नाही
- विश्वेश
visit this also http://esnips.com/web/AamhiShabdabhramar
कळलेच नाही!!!

Posted: December 23rd, 2005, 5:38am CST

कळलेच नाही!!!
चाफ्याच्या फुलांच्या कधी झाल्या मुंडावळ्याकळलेच नाही!!!
आंब्याच्या तळ्यांचे कधी झाले मांडव डहाळे ... कळलेच नाही
माजघरातल्या अंधारात कधी लागले डोहाळे..... कळलेच नाही
चिंचेची बोरांची कधी लागली जिभेला शिरशिरी.. कळलेच नाही
तांबडं फुटताना दारी कधी आला वासूदेव.... कळलेच नही
रामाच्या मंदिरात कधी सुरू झाली काकड आरती..... कळलेच नाही

शिवपूजनाला बसताना गालावरचे काजळ कधी तोंडभर पसरले.... कळलेच नाही
तरण्या पोरींना घे‌ऊन कधी पारन्या निघालो.....कळलेच नाही
देव चोरताना ताम्हणात कधी सुटली सुपारीची मूठ ...कळलेच नाही
अंगावरची हळद अन.. हातातील कट्यार कधी ओघळली सुटली.... कळलेच नाही
कळलेच नाही कधी तालुक्याच्या गावी सुरू झाले काडीमोड
गावकीच्या जत्रेत भावकीची भांडणे अन एक दोघांचे खून
कळलेच नाहीत
शेता शेतांचे कसे झाले बांध अन.. बांधा बांधांवर कशा आल्या हीरो होंडा
कळलेच नाही, कळलेच नाही
एस. टी. स्थानकासमोर कधी आली चक्री अन सुरू झाला बी‌अर बार
मळीच्या वासाने कारखान्याच्या धुराड्याने पांढरील छेद देत डांबरी सडकेने कसा
साधला डाव कळलेच नाही
कळलेच नाही चावडीवरल्या पेट्रोमक्स वर आले कसे रात किडे
कळलेच नाही
बरवेतला महादेव,वेशीतला मारुती,रानातला खंडोबा, अन गावातला विठोबा
कधी निद्रीस्त झाले कळलेच नाही
टिटवीने साधला डाव, निपचीत पडला माझा गाव
कळलेच नाही, कळलेच नाही
visit this also http://esnips.com/web/AamhiShabdabhramar
वाटतं कधी कधी मलाही

Posted: December 23rd, 2005, 5:37am CST

वाटतं कधी कधी मलाही
मन मोकळं करावं
बंधनाचे पाश तोडून
लांब कुठे उडून जावं.......

वाटतं कधी कधी मलाही
खुदकन हसून लाजावं
'How sweet' म्हणून

कुणीतरी मलाही म्हणावं........

वाटतं कधी कधी मलाही
कोणावर प्रेम करावं
समोरच्याला सगळं दे‌ऊन
आपण मात्र रीतं व्हावं..........

वाटतं कधी कधी मलाही
कोणालातरी जिंकावं
लटका राग,गालावर हसू
आणि डोळ्यातच त्या हरवावं........

वाटतं कधी कधी मलाही
कळी सारखं खुलावं
फुलाच्या त्या सुगंधाने
मन कोणाचं मोहरावं.........

वाटतं कधी कधी मलाही
येत्या पावसात भिजावं
थेंबांच्या त्या साक्षीनेच
कुणीतरी आपलं वाटावं.........
- रसिका

visit this also http://esnips.com/web/AamhiShabdabhramar

← केल्याने परदे... Disamaji Kahitari... →

माझे मंडळ » मराठी रोजनिशी » Aamhi ShabdaBhramar

Feeds

Aamhi ShabdaBhramar (10 unread)

प्रेम

Posted: September 9th, 2007, 2:16am CDT

आला पाऊस

Posted: May 29th, 2006, 4:39am CDT

Tags: poems

चोचले (गझल)

Posted: April 20th, 2006, 11:31pm CDT

सुकलेली फुले

Posted: April 11th, 2006, 6:37am CDT

बंडखोर -(गझल)

Posted: April 8th, 2006, 6:51am CDT

कधी वाटते..

Posted: March 26th, 2006, 2:48am CST

तूही नाही... - गझल

Posted: March 25th, 2006, 2:45am CST

सायुज्यता

Posted: December 23rd, 2005, 5:39am CST

कळलेच नाही!!!

Posted: December 23rd, 2005, 5:38am CST

वाटतं कधी कधी मलाही

Posted: December 23rd, 2005, 5:37am CST